♪。♡ مملكة عزف الحروف。♡ ♪ - يا بعيده كل سنه وآنا أحبك

يا بعيده ،
كل سنه و انتي سعيده
الشتى مر المدينه بلا تفاصيل و أماكن ،
كان يحكي عن : فقيده ..
عن مطر يشبه دموعك ،
و انتي تشكين بخضوعك
مِن تقاليد و عوايد
تقتل الحُب وتبيده ..
يا بعيده ، كل سنه " وآنا أحبك "
من زياده / في زياده / في زياده
وكل ما اكتب قصيده ، جيتي انتي
و كل ما اقرى جريده جيتي انتي ،
و كل ما تضحك صغيره : شفتك انتي
و كل ما طق المطر و انغسلت الارض وتبسّم ثغر حالم
" شفتك انتي "
يا بعيده : دايم استرجع كلامك ،
ومشهد اليوم الاخير ..
يابعيده " كم اعيددده "
و اقتله مليون مره في خفوقي : و آآه تغرق في مزيده ..
يا بعيده ، كل سنه و انتي سعيده
كل سنه اردد لصوره تختنق في روح عيني
كل سنه اكسّر يديني
كل سنه اسألْك : ويني
وما تردي .. يا بعيددده
كنت اقول لكل حاجاتي " تجين "
ولإنتظاراتي " تجين "
و لسكك و أصحاب كانوا
انك انتي ما تخلّيني " وتجين "
ورحتي انتي عن عيوني ،
عن شغف صوتي و قلبي
وصرت اناديك : البعيددددده ..
ساكته : و اقطف سوالف امنياتك
من عطر باقي بصدري
من رسايل وسط ادراجي تغنّي
و ذكرياتك ،
ما رحلتي يا بعيده ..
و انتي اصلاً روح شاعر ،
كل قاف و كل لحن وكل قصيده
ماضي و حاضر و بُكرى
و كل شي ما يجيده
أو يجيده ، ..
يا بعيده كوني دايم : من أجل قلبي
" سعيددددده "
يا بعيده ..~