♪。♡ مملكة عزف الحروف。♡ ♪

♪。♡ مملكة عزف الحروف。♡ ♪ (http://www.3-zf.com/vb/index.php)
-   ♫ıl عزف الأمومة و الطفولة ıl♫ (http://www.3-zf.com/vb/forumdisplay.php?f=33)
-   -   الالعاب وخطرها على الاطفال (http://www.3-zf.com/vb/showthread.php?t=6675)

عاشق العميد 07-12-2021 08:25 AM

الالعاب وخطرها على الاطفال
 
http://up.3-zf.com/uploads/162607109174771.png

يسعد ايامكم
بلخير والمسرات

طبعا طرحت واحده من الاخوات جزاها الله خير موضوع عن توحد الاطفال

وحبيت اشارككم بقصه من واقعي

اعرف واحده ولدها كان على ايباد
من يوم عمره 5سنوات
وكل ما سالناها ليش تعطينه يافلانه
اتقول خليه يريحني
وش يلعب وش يتفرج فيه وش يسوي ما ادري
طبعا انا قلت لها
ايش طيب مافكرتي فيه وش بيصير له بعد مرور وقت ؟
وبالفعل نصحتها مره وزعلت مني وقاطعتني
وبعدها بسنتين تقابلنا في زياره.
ولدها معها وتصرفاته ماهي طبيعيه
وكمان كلامه مو طبيعي يتكلم انجليزي
مع لغه عربيه فصحى
الغالب انجليزي ما يحب الاطفال
جالس ورا امه ينتظرها تجلس عشان ياخذ جوالها

تدرون وش قالت لي قالت ليتني
تمنيت اني سمعت كلامك.
ولا اعطيته ليتني تركته يخرب ويبهذل
ويتعلم ويتحرك ويركض
ولا وصل لهذا الامر
ماعد يحتك بعيال عمه او خواله والخ
قلت لها طيب تدرين ان الحل بشي بسيط قالت ايش
قلت شيلي عنه الجوال غيري الباس ورد
صلحي له غرفه مليانه العاب حركيه
جيبي عيال اخواتك يوم يومين مو من البدايه تري بيحب هذا الشي لازم
بالبدايه يعذبك صياح
وانتبهي لا تصيرين ضعيفه وتعطينه. لا خليه يصيح يبكي لين يشبع
اعرفي ان هذا الشي لمصلحته

وبالفعل صلحت هذا الشي ورجعت ارسلت لي اتقول مره مره لمده اسبوع
انهبل بشكل فضيع ويعاند واذا مالقى جهازي راح ياخذ جهاز ابوه قلت غيروا الياس ورد وخلوه
يصيح استمروا تقول لمده شهرين معاناه ما يروحون محل الا ويصيح
وسط السوق وسط الحديقه ما يلعب مع الاطفال مافي عناد في عناد

قلت استمري ماعليك.
قلت جيبي بطاقات فيها حيوانات وفيها الوان مع لوحه كبيره كذا بغرفته
واجلسي معه
علميه الحروف والالوان صح بيعاند ويعصب ويطلبك مقابل اذا سويت كذا كذا تعطيني الايباد.
قولي طيب جهزي له مكافاه غير الاجهزه
العاب سيارات ريموت مكعبات طايرات اي شي حركي
والاهم من ذالك كله. جهاز قران يكون في غرفته
لما ينام شغلي القران عشان عقله الباطن يستمع القران
وبالفعل قالت سويت الي قلتي وبدا يستجيب معها

لين يومكم وهي صراحه معاناه معه لكن بدا يتجاوب مع الناس ومع عيال من عمره

لان الله اعلم كان الولد بيصيير متوحد تماما.


وبس هذي القصه يعني الواحده صارت تزعل من النصيحه وهي تعرف انه كلامي بمحله
لكن احنا بزمن الواحد ما يقتنع الا الي براسه
واذا وقع تذكر فلان وعلان الي نصحوه

من البدايه شي تعرفين منه مضره ابعدي ولدك عنه. وخليه يعيش طفوله طبيعيه
مو شرط يقلد فلان وعلان ان معهم ايباد لازم مع ولدك ايضا ايباد
لا انتي واعيه ومارح تعطينه لآنك تعلمين بمخاطره

اذا ساروا القطيع في جهه مو شرط تسيرين معهم اتخذي طريقك وحيده
ولا تكونين مع القطيع حتى لا تصابين بالابتلاء.

وسيم العاشق 07-12-2021 09:04 AM

















دام عطائكم باذخ

متصفح يتهاطل علينا جمالا
يتعتقُ المسك ويغترفُ من إثركم

لتغدو الاماكن هسيسُ زهرٍ

وأفياء مَطـــر
وينبتُ فيِ إثركم العشب ويخضر


كل الشكر لهذا الإبداع























تناهيد 07-22-2021 12:51 AM


كل الشكر لك على جمال الموضووع
تقديري ل جهودك

:086:


عاشق العميد 07-22-2021 12:55 AM

اشكركم احبتي على روعة التواجد والمرور


الساعة الآن 01:11 AM

Powered by vBulletin® Copyright ©2000 - 2025, Jelsoft Enterprises Ltd. TranZ By Almuhajir
new notificatio by 9adq_ala7sas
HêĽм √ 3.2 OPS BY: ! ωαнαм ! © 2010
User Alert System provided by Advanced User Tagging (Lite) - vBulletin Mods & Addons Copyright © 2025 DragonByte Technologies Ltd.

vEhdaa 1.1 by rKo ©2009