{
مليت وأنا أنتظر ودي وماودّي ** مليت من كثر ما أحدك على الجيّـه
يافاهيا والهجر ماهوب مـن جـدّي ** تو الهجـر تـو مابانت مواريّـه
يوم أمطر الحب قلبك واقفٍ ضـدّي ** زعزع نفوذ الغلا وأشعـل محانيّـه
راح الغلا لعنبو جدك علـى جـدي ** يالعنبو الحب واللي يجيـب طاريّـه
حدّن عليك الزمان وحدّنـي حـدّي ** الين ضاقت وسيعـات الخـلا فيّـه
بتعود الأيام كان الضيـف ماشـدّي ** وبذكّرك طال عمرك كان أنا حيّه
يوم أطلق الريح قلبي جيت متعـدّي ** تصدع بوجه الشمال وتدفـن الميّـه
أرتـد ذودك وذودي عنّـك أرتـدّي ** وأقفت تدرهم مجاهيمك على الفيّـه
يا مخبلك كيف عقب الصد متحدّي ** خسارتك راجحه مليون بالميّه
أربق جنون الكبر تمسي على ردّي ** خل الليالـي تغنـي جنونهـا ليّـه
قد لي سنه والوجع ثوبه على قـدّي ** بشق جيب الوجع وأصبرعلى الكيّه
ياكود طفل الوفا يستر علـى سـدّي ** وأقول ولـى زمانـك لعنبـو بيّـه
{
الراسية
{
lgdj ,Hkh Hkj/v gl]m Hkj/v ,Hkh