-<:{ الحب خطـر وماله هويه }:>-
يا هيه لس ترى الصدمه علي قـويه
والنفس ثارت والقلب ولعت به ناره
وقال لي صاحبي شم ريحة شويه
قلبي كسر ضلوعي بقـوة انفجاره
قـولت ابينسحب الخوي عن خــويه
فجـرت براكين الشـعر مـن مــداره
وتسابقت المشاعر المسرعة والنويه
ما تحس القلب منها ينزف بغزاره
المحـب والحـبيبه سـاروا بالـسـويه
والحـاسد خلفـهم يخـفي أسـراره
ألا ياليت للأسرار مثل النحل دويه
وافهم دوي النحل وشتالي أخباره
وأكـتشف ســر الـمنسحب بالرويه
واعــرف سـبة تراجـعه في قــراره
الـمحـب يعــرف لحضـريه و بدويه
والحب بالقلب يعــرف منه اخـتاره
لرحـت أكـوي القـلب ما فاده كـويه
يا رب ادفع عنه بــلاويه وأضـراره
يا جـاهل الحب خطـر وماله هــويه
إذا وقع بقلب الهاويين ماله سفاره
يا نعـيش سـوى و إلا نمـوت سـويه
والفـرق بالتوقـيت مكتـوب مقـداره
أحدى المحبين تكون أوراقه مطويه
والآخـر يعـيش بعـد فرقاه بمـراره
يا هيه مالومـك إلى صـحت آه ويه
ولاتلـوم مثلي لـمن قال الموت زاره
العبث بالحـب لهب نار تزايد قـويه
يا مشـعل النار بقـلبي فـك ازراره
خوذ أبيات بملاحق سفليه و علويه
قالها المحب الصادق في أشـعاره
قالها ابن المخالدة في ليلة شـتويه
داس الخطر والعقل محكم أفكاره
عهـد باللي خـلقه ما يخــون خـويه
يخاف ربه يطلب جنته ويتقي ناره
الشاعر/ حمد بن فهد المخالدة السبيعي
hgpf o'v ,lhgi i,dm o'v i,dm