مليون بيت شعر

صـحّ المشاعـر كلّهـا وانـت راقــد
ما ابيك تصحى والمشاعـر بـك رقـود

كـان المحبّـة مـا تـشـبّ المـواقـد
تبقى كذا : " * جزءٌ من النصّ مفقود " !!

صعبـةٌ تجدنـي وانـت للحـبّ فـاقـد
والاصعب انّـي فاقـدك وانـت موجـود

امّـا تـدلّـي لــي نـجـوم وفـراقـد
وتصير حتّى رموش عينـك لـي جنـود

ما جيت لك باحسـاس "شاعـر وناقـد"
الاّ وانا اقـرا مـا ورا عيونـك السـود

نفيـت لاجلـك كـلّ حـاسـد وحـاقـد
وجيتك وطن مالـه "تضاريـس" وحـدود