بيت شعر لمن تهديه

تطري على البـال لاهـبّـت عليّ الهـبـوب

وأغرف لك من القصايد غالي ألماسهــا

بعض البشر حبه أكبر من مقام القلـوب

ودك تحبه بـ شيء أكبر من إحساسها

ان جاك مايزعلك لا تكون حساس
‏يمكن يـفيدك لا تكون إندفاعي
‏
‏بعض العلاج اللي تدأوا به الناس
‏يستخلصونه من سموم الأفاعي

ياصاحبي لاتسأل الشـوق عنـي
أشتاق لك في ذمتي كل الاوقات
. غـلاك عندي جزء فينـي ومنـي
يحيا حياة القلب ويموت لامـات

على الفطره ولا عندي هجوس ولا نوايا سود
مزاجي والظروف اللي تسافر بي مزاجيه

الغــــــــــــــلا بكل وادي يا عسل يحتريك
وين ما رحت ماشي سار ماشي وراك

بالحلا منهو زيك لا هذيك وهذيك
ومحدا اغلاك زيي لا هذاك وهذاك

خواطري فيك من مبطي عليها كلام.
أكنها فـ الضمير وتنكشف للمـلا
حتى ليا جيت خلق الله وقلت السلام
قالو هـذا الي يحب ام الدلع والحلا

نشوة غرامك مالها حد بالروح
خذني بحضن الشوق ودي أضمك

الحُب لك دون المخاليق ممنوح
مثل الشذا يانور عيني…..أشمك

لأجل عينك ..اسبك ..أبيات القصيد
شعر من صرف الذهب حرف ومداد

والسكن .. عقلي ..و قلبي ..و الوريد
والغلا .. لك عرش ..و كلي ..لك بلاد

الشوق غنى لك اليوم بيتين
‏وانا لك من الشوق غنيت كلي

لـــو ان قـربــك والـوصــل بالـتـمـنـي
ماغـبـت عــن عيـنـي كـثـر ماتـمـنـاك

خـايـف يـطـول البـعـد وتـســج مـنــي
وياخذ مكانك شخـص ماهـوب يسـواك

وش عـاد اسـوي يومـك اقفيـت عنـي
لاانـا اتبـع المقـفـي ولا احــب فـرقـاك