قالت رجاء لا تقطع الشوق
 

. (قَالَتْ رَجَاء لا تَقْتِلْ الشَّوق)
قَالَتْ رَجَاءً لا تَقْتِـلْ الشَّـــوق فيني
قلت الشوق فيك ياراجيتي مقتول

قالت تحمـــلني وكــن لي معيــــني
قلت العــذر ما يتحمـــلك المحمـول

قالت العسل من غيرك ما يقــويني
قلت كفي عن الهـرج معاد معسول

قالت علتي أراضـــيك ما تراضيني
قلت يا علة كيف يراضيك المعلول

قالت المعزل بالمرة صــار يكويني
قلت المعـــزل ما يكويه المعـــزول

قالت الدال تراه على دينـك وديني
قلت ما قتلتي الدال قتلتي المدلول

قالت الحْبَـال دونك ويمها سكيــني
قلت متفيد حبَّال وقع في المحْبُول

قالت رحـال حط يمينك في يميني
قلت هيهــات ولا اشــد لك الرحول

قالت مالت الدنيــا وربك يجـازيني
قلت الجـزاء فيـك ما يعدل الميول

قالت الســيل زادا وأبقـاك تحميني
قلت لو بيدي السـيل لأزيد السيول

قالت إلى متى تكتم الحب الدفيني
قلت جرح ونزف عسى سـمه يزول
الشاعر/ حمد بن فهد المخالدة السبيعي

صح لسانك وسلم نبضك
ابيات جميلة ونابعة من قلب عاشق ولكنه في نفس الوقت عنيد

تسلم لنا اخي الغالي عاشق العميد يحفظك ربي عزيز الشأن. صح بدنك يالغالي مدد بلا عدد يحفظك ربي.
اخوك/ حمدفهد

اختي الغالية عذبة الإحساس يحفظك ربي. صح بدنك مدد بلا عدد يحفظك ربي عزيز الشأن ويرفع من مقدارك دين ودنيا وآخرة. أسعدني مرورك العذب يسعدك ربي .
اخوك/ حمدفهد