يثيرني صوتك الهادي ويغريني
أهيم ورحل وأسافر في مساحاته
يجتاح قلبي ويسري في شرايني
وينسى خفوقي على صوتك معاناته
تدري حبيبي ترى صوتك يدفيني
زعلان راضي يدفيني بكل حالاته
سولف وضيع معك أجمل عناويني
مافي غيرك عسل حرفه على شفاتي
يهدمني الصوت كل مره ويبنيني
ويعيش عمري قبل تشرف نهاياته
في الحب كلي معك سلمتك يديني
وأنا الهوى دراسه وأفهم بلهجاته
افداك روحي وعلى كيفك توديني
ما اقول دربك حبيبي وين وجهاته
خذني من الليل بحضانك ووديني
بظاهر الخف من ليلي وعتماته
بين الغزل والوله والشوق خبييني
عن التعب والسهر والجرح وآآآآهاته
وان حس قلبي حنانك التفت فيني
وتشوف واحد كلامه وسط نبراته
أحكي لك الحزن والحرمان وسنيني
وتعيش غربة مسافر من بداياته
ياخذني الهم وفي النسيان يرميني
يعني مصيره اسيره حسب رغباته
حتى الشعر اكتبه والحرف يبكيني
يصورة ظروف شاعر ضاع في ذاته
ركز بضحكة شفاتي وناظر بعيني
وجهي يلحف شقا عمري بضحكاته
ياليتني كنت أعرفك قبل تاتيني
ما كان عمري تعب من كثر زلاته
في عالم الحب قربك مني يغنيني
والله في قلبي غلاتك كثر دقاته
أحساس روحك من جروحي يداويني
يأجمل عطايا روحي وأخر محطاته
أحلف لي أن ضاق
صدري ماتخليني
وانا خفوقي معك تربح خسارته
أهواك احبك وكلك حيييييل تغليني
من طيب قلبك إلى صوتك وهسسساته
تدري حبيبي ترى صوتك يدفيني
زعلان راضي يدفي بكل حالاته