طبعـك تغيّـر حبيبـي مايناسبنـي
تقسي عليّه وتظهر فينـي فنونـك
أنا ذبحني السهر والنـوح متعبنـي
وانت اتلذّذ على تعذيـب مضنونـك
ماني طفل يانظـر عينـي وتدّبنـي
وش جاك منّي تزوّد فيني طعونـك
ضحّيت لاجلك عسى الله مايحاسبني
في حب ناسٍ على حبّي يحسدونـك
يازين أرحم وخـاف الله وجاوبنـي
ماتذكر انّك حلفت وقلت ماخونك.؟؟
ياريـم حايـل أمانـه... لاتعذبنـي
إرفق بحالي وعاملني على هونـك
فديت عمرك ترى الهجران يذهبنـي
جيتك حبيبي وكلّي صرت مجنونـك
لاغبت عنّي بربّك ويـش يطربنـي
ناظر بعينك عذابٍ صـاب مفتونـك
كل مانويت أبتعـد غـلاك يجذبنـي
يانور عيني مناتي شوفـة عيونـك
ان قلت أمـوت بغيابـك لاتكذبنـي
هاذي حقيقه.. حياتي موت من دونك